Баделки се враќаат од двојното гостување во Кавадарци со 2 победи!
Први на терен истрчаа кошаркарките до 18 годишна возраст. Во студената спортска сала Јасмин, актуелните државни шампионки славеа против екипата на ЖКК Трокал со резултат 67:51 (14:7, 14:19, 21:13, 18:12).
И покрај тешките услови за игра и на моменти тензичната атмосфера во салата, баделки со остварената победа ги потврдија амбициите за највисок пласман.
Најефикасна во сино – жолтиот тим беше Мартина Блажевска со 25 постигнати поени. Мартина Марковска постигна 15, Дева Глигорова 9, Јована Димковска 7, Мила Ѓуковиќ 6, Јана Петрова 3 и Зара Стојковска 2 поени.
Во натпреварот од К04 – Прва А лига – Оролоџо, сениорките ја совладаа екипата на ЖКК Про Баскет со резултат 89:63 (20:16, 37:7, 20:18, 12:22).
Најефикасна беше Цветанка Димова со 28 поени (8 скока). Сара Максимовска постигна 21, Kaitlyn Mathieu 17 (9 скока, 8 украдени топки), Сања Адамовска 8 (9 асистенции), Ивана Кметовска 7, Марија Димитријевиќ 4 (8 асистенции), Александра Стојановска и Сандра Лазаревска по 2 поени.
Денес, последни на терен истрчаа нашите најмлади, М14 баделки. Во спортската сала Независна Македонија ја совладаа екипата на ЖКК МЗТ Скопје Аеродром со резултат 66:47 (14:18, 16:6, 16:14, 20:11).
Најефикасна, Дора Алексова со 34 поени. Мила Начевска 8, Теодора Ѓоргиевска 8, Илина Несторовска 6, Ева Палевска 6 и Ива Димитријевиќ 4 поени.
Извонреден, 3/3 викенд за сино – жолтиот колектив.
Продолжуваме понатаму, со уште поголем елан кон остварување на зацртаните цели!
💙💛 НАПРЕД БАДЕЛ! 💙💛
19.03.2022
ЖКК БАДЕЛ 1862