Спортската сала Независна Македонија ќе биде епицентарот на домашната женска кошарка претстојниот викенд.
Третото сезонско соочување, второ првенствено ќе го имаат двете најквалитетни екипи во домашното првенство.
Во рамките на 9-то коло од Првата А лига, баделки ќе ја пречекаат екипата на Баскет Кам.
Сезонава, баделки забележаа две победи над утрешниот противник, во Супер купот и во 2-то коло од домашното првенство на теренот во Македонска Каменица.
И покрај заморот од настапите Среда – Недела, баделки во утрешниот натпревар влегуваат максимално мотивирани за задржување на 100% ефект во првенството. Ќе атакува сино – жолтиот тим на победа, победа со којашто ќе го потврдат приматот во домашната женска кошарка и којашто дополнително ќе ја зголеми самодовербата во пресрет на клучниот натпревар во WABA лигата против Партизан 1953 во Среда.
Натреварот ќе се одигра во Сабота, 11.12.2021 година во спортската сала Независна Македонија со почеток во 17:00 часот.
Линкот за LIVE STREAM е поставен на БаделТВ
Ги покануваме љубителите на женската кошарка да присуствуваат на натпреварот на двете првопласирани екипи во домашното првенство.
**НАТПРЕВАРОТ ЌЕ СЕ ОДИГРА СОГЛАСНО ПРОТОКОЛОТ ЗА ОРГАНИЗИРАЊЕ НА СПОРТСКИ НАТПРЕВАР ВО ЗАТВОРЕН ПРОСТОР. ПОПОЛНЕТОСТ 50%, ЗАДОЛЖИТЕЛНО ПОСЕДУВАЊЕ СЕРТИФИКАТ ЗА ВАКЦИНИРАНОСТ ИЛИ СЕРТИФИКАТ ЗА ПРЕЛЕЖАН КОВИД 19 ВО ПОСЛЕДНИТЕ 45 ДЕНА, ЗАДОЛЖИТЕЛНО НОСЕЊЕ ЗАШТИТНА МАСКА, ДРЖЕЊЕ ДИСТАНЦА.**
💙💛 ОДИМЕ НА ПОБЕДА ЗА 100%! 💙💛
💙💛 СО СРЦЕ ЗА БАДЕЛ! 💙💛
💙💛 НАПРЕД БАДЕЛ! 💙💛
10.12.2021
ЖКК БАДЕЛ 1862