Претстојниот викенд сино – жолтиот тим до 18 годишна возраст ќе го започне походот кон 4-та последователна титула.
Во првата фаза од новата сезона баделки ќе се натпреваруваат во Групата 1 против екипите на ЖКК Баскет Кам, ЖКК Крива Паланка, ЖКК Трокал и ЖКК Про Баскет.
Шампионките во новата сезона влегуваат максимално подготвени и мотивирани, со победнички амбиции на секој натпревар.
Утре, 13.11.2021 година со почеток во 12:00 часот во спортската сала Независна Македонија, баделки ќе ги одмерат силите против екипата на ЖКК Трокал од Кавадарци.
Овој викенд натпреварувањето во новата сезона ќе го започнат и најмладите, М14 баделки. Својот прв сезонски натпревар ќе го одиграат на 13.11.2021 година во спортската сала Независна Македонија со почеток во 14:15 часот против екипата на ЖКК Про Баскет од Кавадарци.
Ги повикуваме љубителите на женската младинска кошарка да ја проследат во живо утрешната сино – жолта двојна програма.
**НАТПРЕВАРИТЕ ЌЕ СЕ ОДИГРААТ СОГЛАСНО ПРОТОКОЛИТЕ ЗА ОРГАНИЗИРАЊЕ НА СПОРТСКИ НАТПРЕВАР ВО ЗАТВОРЕН ПРОСТОР….ПОПОЛНЕТОСТ ДО 50%, ЗАДОЛЖИТЕЛНО ПОСЕДУВАЊЕ СЕРТИФИКАТ ЗА ВАКЦИНАЦИЈА ИЛИ СЕРТИФИКАТ ЗА ПРЕЛЕЖАН КОВИД 19 ВО ПОСЛЕДНИТЕ 45 ДЕНА, НОСЕЊЕ МАСКИ, ДРЖЕЊЕ ДИСТАНЦА. **
💙💛 СО СРЦЕ ЗА БАДЕЛ! 💙💛
12.11.2021
ЖКК БАДЕЛ 1862