Во Среда, 29.09.2021 година со почеток во 19:00 часот во спортската сала Независна Македонија, Кисела Вода – Скопје, баделки ќе го започнат походот во регионалната WABA лига. Во натпревар од првото коло од Групата Б, сино – жолтиот тим ќе ја пречека силната екипата на Монтана 2003 од Бугарија.

Монтана 2003 е стар познаник и должник на ЖКК Бадел 1862. Двете меѓусебни средби во 2016-та година им припаднаа на гостинките од Бугарија, порази коишто ќе претставуваат дополнителен мотив за баделки во обидот за реванш.

Амбициите на четата на Manuel Markov и Nikolay Gospodinov се настап на Ф4. Доаѓаат во Скопје со искусен состав, микс на домашни кошаркарки, две кошаркарки од Америка и една од Литванија. Просечната возраст на тимот на Монтана 2003 е 25 години. Искусните Hristina Ivanova, Dimana Geogrieva, Gabriela Nikolova, Aleksandra Petrova засилени со нивните врснички, американките Mariah King и Alison Schawmeyer-Belger и литванката Santa Okockyte-Balkojiene се главните спони во тимот на Монтана 2003.

Стојановска, Трајчевска, Кметовска и другарките се пред сериозен предизвик. Баделки ги очекува натпревар којшто е далеку над домашниот просек и интензитет. Мотивирани и подготвени се нашите баделки во Среда да го дадат најдоброто од себе со желба за добра игра и победа на стартот од регионалната лига.

Натпреварот ќе се одигра на 29.09.2021 година во 19:00 часот во спортската сала Независна Македонија во Скопје.

Судии на натпреварот ќе бидат:

Stevan Krstić,  Aleksinac  – SRB

Stefan Zdravković,  Niš  – SRB

Ivan Ilić,  Niš  – SRB

Делегат на натпреварот:

Елена Велковска, Скопје – МКД

Линкот за LIVE STREAM ќе го објавиме во Вторник, 28.09.2021 година.

** НАТПРЕВАРОТ ЌЕ СЕ ОДРЖИ СОГЛАСНО ПРОТОКОЛОТ ЗА ОРГАНИЗИРАЊЕ НА СПОРТСКИ НАТПРЕВАР ВО ЗАТВОРЕН ПРОСТОР, 30% ПОПОЛНЕТОСТ НА ОБЈЕКТОТ, ЗАДОЛЖИТЕЛЕН СЕРТИФИКАТ ЗА ВАКЦИНИРАНОСТ, СЕРТИФИКАТ ЗА ПРЕЛЕЖАН КОВИД 19 ВО ПОСЛЕДНИТЕ 45 ДЕНА, ДРЖЕЊЕ ДИСТАНЦА, НОСЕЊЕ МАСКИ! **

 

💙💛 НАПРЕД БАДЕЛ! 💙💛

27.09.2021

ЖКК БАДЕЛ 1862