Во пресрет на новата 2021/2022 сезона, со големо задоволство објавуваме дека Kaitlyn Mathieu го облекува сино-жолтиот дрес на ЖКК Бадел 1862.
Kaitlyn Mathieu (188цм, 1992) веќе двапати играше во WABA лигата, во сезоната 2016-17 во нашиот ЖКК Бадел 1862, постигнувајќи во просек од 12.5 поени/натпревар, 10.5 скока, 1.6 асистенции, 1.5 украдени топки и 0.5 блокади во 8 натпревари во групната фаза и ЖКК Монтана 2003 година во 2018 година , каде за време на нејзиниот краток престој одигра 4 натпревари во групната фаза и имаше просек од 15 минути по натпревар, 4.0 поени, 4.8 скокови, 0.5 асистенции и 0.3 украдени топки.
Kaitlyn Mathieu има настапувано за колеџ тимот на Вилијам и Мери од 2010 до 2014 година. Во Европа бележи настапи во ТК Хановер – Германија, Лемвиг – Данска и Т71 Дуделанж – Луксембург.
Повратничката во сино-жолтиот дрес, Kaitlyn Mathieu, ќе претставува значајно засилување за нашиот тим на позициите 4 и 5.
” I am so grateful to have another opportunity to play for Badel 1862. I’m excited to be able to compete again in the ABA league at a high level. I can’t wait to be back in Skopje and on the court with former teammates who made my last experience with the club so enjoyable.
(Благодарна сум што имам можност повторно да играм за тимот на Бадел 1862. Возбудена сум што можам да учествувам во АБА лигата на повисоко ниво. Едвај чекам да дојдам повторно во Скопје и на теренот со поранешните соиграчки, кои придонесоа искуството со клубот да биде за мене вистинско уживање.)” – истакнува нашата Kaitlyn Mathieu, во својата официјална изјава за www.wbcbadel1862.com.mk по потпишувањето на едногодишната верност за својот старо-нов тим.
💙💛 WELCOME BACK, KAITLYN! 💙💛
21.08.2021
ЖКК БАДЕЛ 1862
