Во рамките на К06 од WABA Суперлигата, во Среда, 09.02.2022 година во спортската сала Независна Македонија со почеток во 19:30 часот, наши гостинки ќе бидат кошаркарките на ЖКК Војводина 021 од Нови Сад, Србија.
Баделки ги очекува натпревар против најпријатното изненадување во Суперлигата. Во групната фаза од натпреварувањето Војводина 021 беше 3-то пласирана, со скор од 6 победи и 4 порази.
Почетокот на Суперлигата покажа дека станува збор за извонредно квалитетна екипа. На домамашен терен ја совладаа силната Монтана 2003, славеа и во Пожега против одличниот состав на Пламен Пожега, додека на гостувањето во Цеље против фаворитот Цинкарна Цеље претрпеа пораз во финишот на натпреварот.
Лидер на екипата е 24-годишната американка Sara Loomis којашто е прв стрелец на екипата со 19.00 поени/натпревар и прв скокач со 9.2 скока/натпревар. Најдобар асистент е Carna Prokic со 3.8 асистенции/натпревар.
Баделки, како и секогаш, мотивирани и подготвени го очекуваат натреварот против Војводина 021. Формата на тимот е во нагорна линија. Стојановска, Трајчевска, Кметовска и другарките се подготвени да го датат најдоброто од себе во обидот за нова Суперлигашка победа.
Ги покануваме љубителите на кошарката, во Среда во 19:30 во спортската сала Независна Македонија да бидат 6-от сино – жолт играч и да проследат уште еден квалитетен и возбудлив натпревар.
💙💛 СРЦЕ НА ТЕРЕН! 💙💛
💙💛 НАПРЕД БАДЕЛ! 💙💛
07.02.2022
ЖКК БАДЕЛ 1862