Која екипа ќе биде 8-от патник во WABA Супер лигата? Бадел 1862 или Партизан 1953? Одговорот ќе го добиеме вечер околу 21:45 часот.

Во очи натпреварот на сезоната, свои видувања и очекувања од натпреварот имаат и тренерите на Бадел 1862 и Партизан 1953.

 

Перо Стамевски, тренер на Бадел 1862: Исправени сме пред голем предизвик, победа на натпреварот со Партизан, и пласман во Супер лигата, со што би направиле историски исчекор на нашиот клуб и македонската кошарка. Но секако тоа ќе биде многу тешко, ако се земе предвид исцрпувачкиот ритам на натпревари, среда-сабота-среда,за неполни дваипол месеца имаме одиграно 20 натпревари, и долги патувања со поминати над 8000 километри, што секако придонесе за замор на кошаркарките и полесни повреди. A а играме со млада, многу талентирана, и  до крајни граници агресивна екипа, предводена од искусниот и квалитетен тренер Ивиќ, која на сите досегашни натпревари во лигата во поголемиот дел од натпреварите беше рамноправен противник, и поради неискуството ги губеше натпреварите најчесто во четвртата четвртина. Но убеден сум дека нашите девојки ќе го стават срцето на терен, и со една дисциплинирана и концентрирана игра ќе дојдеме до толку посакуваната победа. Нека победи подобрата и посреќна екипа.

 

Слаѓан Ивиќ, тренер на Партизан 1953: Utakmica od velikog značaja za obe ekipe zbog prolaza za dalje takmičenje u WABA ligi. Mi smo propustili šansu u Beogradu da dobijemo kvalitetnu ekipu sutrašnjeg domaćina, izgubili smo sa 3 poena razlike. Znamo jačinu protivnika, iskustvo je na njihovoj strani, igraju dobro. Medjutim, imamo i mi naše prednosti, što se nadam da ćemo iskoristiti. Pošto TV Severne Makedonije prenosi naš susret, verujem da osim gledalaca u sali, dobru košarku će imati prilike i gledaoci pored malih ekrana da prate.

 

Почеток на натпреварот: 20:00

Спортска сала: Независна Македонија – Кисела Вода, Скопје.

Користиме прилика да ги поканиме младите кошаркарки, младинки, сениорки, љубителите на женската кошарка да бидат ветар во грб, 6-ти играч, да им помогнеме на баделки кон остварување на историската цел.

*НАТПЕВАРОТ ЌЕ СЕ ОДИГРА СОГЛАСНО ПРОТОКОЛИТЕ ЗА ОРГАНИЗИРАЊЕ НА СПОРТСКИ НАТПРЕВАР ВО ЗАТВОРЕН ПРОСТОР, 50% ПОПОЛНЕТОСТ, ЗАДОЛЖИТЕЛНО ПОСЕДУВАЊЕ СЕРТИФИКАТ ЗА ВАКЦИНИРАНОСТ ИЛИ СЕРТИФИКАТ ЗА ПРЕЛЕЖАН КОВИД 19 ВО ПОСЛЕДНИТЕ 45 ДЕНА, ЗАДОЛЖИТЕЛНО НОСЕЊЕ ЗАШТИТНА МАСКА, ДРЖЕЊЕ ДИСТАНЦА*

Фотографија: waba-league.com

 

💙💛 🇲🇰 ЗАЕДНО ЗА ИСТОРИЈА! 🇲🇰  💙💛

💙💛 СО СРЦЕ ЗА БАДЕЛ!  💙💛

💙💛 НАПРЕД БАДЕЛ!  💙💛

15.12.2021

ЖКК БАДЕЛ 1862